ഫീച്ചറുകളും ലേഖനങ്ങളും

വാർത്താ മാധ്യമവുമായി ബന്ധപ്പെട്ട ഒരു ലേഖന സമ്പ്രദായമാണ് ഫീച്ചർ.  ഒരു വാർത്താലേഖകന്റെ നിരീക്ഷണ പാടവം, വസ്തുതാഗ്രഹണ ശേഷി, വിഷയാവതരണ വൈഭവം ഇവയൊക്കെ ഒരേ അളവിൽ സമജ്ഞസമായി സമ്മേളിക്കേണ്ട ലേഖന സമ്പ്രദായമാണ് ഫീച്ചർ.  വ്യക്തി, സംഭവം, സ്ഥലം ഇവയൊക്കെ ഇതിന് വിഷയമാകുന്നു.  ചൂടാറാത്ത വാർത്തകൾക്ക് കാലിക പ്രസക്തിയേയുള്ളു.  സമഗ്രമായ ഒരു ചിത്രം വാർത്ത വായനക്കാരന് നൽകുന്നില്ല.  വാർത്തയുടെ ഭാഗിക വീക്ഷണം എന്ന കുറവ് പരിഹരിക്കാൻ ഫീച്ചറുകൾക്ക് കഴിയുന്നു.  അപഗ്രഥനവും, നിഗമനവും ഫീച്ചറുകൾ വാർത്തകളേക്കാൾ സ്വീകാര്യവും സുന്ദരവും ആക്കിത്തീർക്കുന്നു.  അവയ്ക്ക് വാർത്തയേക്കാൾ ആയുസ്സും കൂടും.  അത് കൊണ്ട് തന്നെ വാർത്താ ലേഖകനെക്കാൾ മികച്ച സർഗ്ഗാത്മക പ്രതിഭ ഒരു ഫീച്ചർ എഴുത്തുകാരന് ആവശ്യമായിത്തീരുന്നു.  താൻ ചിത്രീകരിക്കുന്ന വ്യക്തി, വസ്തുത, അഥവാ സ്ഥലം വായനക്കാരുടെ മനസ്സിൽ പതിയുന്ന വിധം വാക്യങ്ങൾ മെനഞ്ഞെടുക്കാനും വായനക്കാരന്റെ മനസ്സ് പിടിച്ചു നിർത്താൻ പറ്റിയ വിധം പാദങ്ങളും ശൈലികളും ഉപയോഗിക്കാനും അയാൾക്ക് കഴിയണം.  പരന്ന വായനയും നിരീക്ഷണവും ഓർമ്മശക്തിയും ഉള്ള ആളാണ് ഫീച്ചറെഴുതുന്നതെങ്കിൽ അത് തികച്ചും പ്രയോജനപ്രദവും ആസ്വാദ്യവുമായിരിക്കും.

നിറം ചോരുന്ന ഉത്സവലഹരി എന്ന ഫീച്ചറിലൂടെ കേരളത്തിന്റെ പോയ നാളുകളെ നമുക്ക് പരിചയപ്പെടുത്തുകയാണ് എഴുത്തുകാരൻ.  മലയാളിയുടെ ഓണാഘോഷങ്ങളിൽ വന്ന മാറ്റങ്ങളെ കുറിച്ച് പരിതപിക്കുന്നു അദ്ദേഹം.  നരകത്തിൽ നിന്ന് സ്വന്തം പ്രജകളെ കാണാൻ മഹാബലി വരുന്ന ചിങ്ങമാസം മുതൽ ജ്യേഷ്ഠയെ അടിച്ചു കളഞ്ഞു ശുദ്ധമാക്കുന്ന കർക്കിടകമാസം വരെയുള്ള ഉത്സവങ്ങളുടെ ഓർമ്മകൾ പഴയ തലമുറയ്ക്ക് പറയാനുണ്ടാവും.  ഇവിടുത്തെ ചെടികളും വള്ളികളും നിത്യവസന്തം വിതറുന്നവയാണ്.  അതിന്റെ നറുമണം കലർന്ന കാറ്റേറ്റാൽ ആർക്കാണ് മനസ്സു തണുക്കാത്തത്.  ആരുടെ ഓർമ്മകളാണ് മധുരം നുണയാത്തത്.  എന്നാൽ ഇന്നതെല്ലാം പഴയ കഥകളാണ്.  ഉടുപ്പിൽ, നടപ്പിൽ, പെരുമാറ്റത്തിൽ എല്ലാം നമ്മൾ ഒരുപാട് മാറിക്കഴിഞ്ഞു.  തനിമ ഒന്നിലും അവകാശപ്പെടാൻ വയ്യ, ആചാരങ്ങളിൽ പോലും. 

വാർത്തകളുടെ ഭാഗിക വീക്ഷണം എന്ന കുറവ് പരിഹരിക്കുന്ന ഒന്നാണ് ഫീച്ചർ.  ഏതെങ്കിലും ഒരാളെക്കുറിച്ചോ ഒരു സ്ഥലത്തെക്കുറിച്ചോ സംഭവത്തെക്കുറിച്ചോ സമഗ്രമായി അവതരിപ്പിക്കുകയാണ് ഫീച്ചർ ചെയ്യുന്നത്.  എപ്പോൾ? എന്തുകൊണ്ട്" എങ്ങനെ? എവിടെ നിന്ന്? തുടങ്ങിയ ചോദ്യങ്ങൾക്ക് ഉത്തരം കണ്ടെത്താനും സമഗ്രമായ അപഗ്രഥനത്തിലൂടെ നിഗമനങ്ങളിൽ ചെന്നെത്താനും ആ നിഗമനങ്ങളുടെ ആധികാരികത പരിശോധിക്കാനും ഫീച്ചറിൽ സൗകര്യമുണ്ട്.  ചിത്രങ്ങളും രേഖാചിത്ര ങ്ങളും കൊടുത്ത് അവതരണം മോടിപിടിപ്പിക്കാനും കഴിയും.

ഫീച്ചറുകളെ പൊതുവെ രണ്ടായി തിരിക്കാം.  വാർത്താപ്രാധാന്യം  ,ഇല്ലാത്തവ എന്നും.  കാലിക പ്രാധാന്യമുള്ള സംഭവങ്ങളെയോ സ്ഥലങ്ങളെയോ  നടത്തുന്ന ഫീച്ചർ, വാർത്താപ്രാധാന്യം ഉള്ളവയിൽ പ്പെടുന്നു.  എല്ലാ കാലത്തെയും ബാധിക്കുന്ന പ്രശ്നങ്ങൾ വാർത്താ പ്രാധാന്യമില്ലാത്തവയിൽപ്പെടുന്നു.  ഇതിൽ ഏതു വിഭാഗത്തിൽപ്പെട്ടാലും സാധാരണക്കാരന്റെ ഭാഷയിൽ അവനെ ആകർഷിക്കാൻ തക്ക ശൈലിയിൽ അവത രിപ്പിക്കുന്ന സാമാന്യ ജനങ്ങൾക്ക് വിജ്ഞാനം പകരുന്ന കാര്യത്തിൽ വലിയ സേവനമാണ് ചെയ്യുന്നത്.

ഫീച്ചറും ലേഖനവും, ഇവ രണ്ടും ഏതെങ്കിലും ഒരു വിഷയത്തെപ്പറ്റി സമഗ്രബോധം ജനിപ്പിക്കുന്നതാണ്.  അപഗ്രഥനത്തിലൂടെ നിഗമനത്തിൽ ചെന്നെത്താനും പ്രമാണഗ്രന്ഥ ങ്ങളുടെ സഹായത്തോടെ അത് സ്ഥാപിച്ചെടുക്കാനും രണ്ടിലും സൗകര്യമുണ്ട്.  എന്നാൽ അവതരണത്തിന്റെ കാര്യത്തിലാണ് ഇവ തമ്മിൽ വ്യതാസം.  ലേഖനം സാഹിത്യ ഭാഷയിലാണ് രചിക്കുന്നത്.  അവ അവതരിപ്പിക്കുന്ന പ്രമേയം യുക്തിസഹമായി നിരത്തി ചെന്നെത്തുന്ന കൃത്യമായ ഒരു രീതി ലേഖനത്തിനുണ്ട്.  എന്നാൽ ഫീച്ചറിൽ ഇതൊന്നും കാണുകയില്ല.  സാധാരണക്കാരന്റെ ശൈലിയിൽ അവനെ വശീകരിക്കാനുള്ള കലാപരത ഉൾക്കൊള്ളിച്ചുകൊണ്ട് പ്രമേയം അവതരി പ്പിക്കുന്നു.  നിർവചനത്തിൽ തുടങ്ങണമെന്നോ നിഗമനത്തിൽ അവസാനി ക്കണമെന്നോ ഉള്ള യാതൊരു നിയമവും അവിടെ ഇല്ല.  ഈ പ്രത്യേകതയാണ് ലേഖനത്തിൽ നിന്ന് ഫീച്ചറിനെ അകറ്റിനിർത്തുന്നത്